مرحبا يا شباب , كيفكن و شلون أخباركن ؟؟
يا شباب يمكن هوو الموضوع قدم شوي و الفكرة صار صعب تنفيذها , بس أنا حابب ألفت النظر لشغلة:
يا شباب معقول اللي صار مشان موضع العسكرية مشاننا؟؟؟؟ طيب هيك بصير ؟؟ على اي أساس صار هالتوزيع؟؟
1-يللي خدم 4 معسكرات انحسملو 6 شهور من عسكريتو
2-يللي خدم 3 معسكرات انحسملو 4.5 شهور من عسكريتو
3-يللي خدم 2 معسكرين انحسملو 1 شهر واحد بس من عسكريتو!!!!!!!!!
طيب ليش هيك؟؟؟؟؟ يعني معئول نحنا خدمنا معسكرين و بعدين ع حظنا يلتغوا المعسكرات و يصير فرقنا عن الأمي اللي ما معو سادس شهر واحد بس؟!؟!؟!؟!
يا شباب لا تئولوا ما فينا نساوي شي , عنجد فينا نعمل فكرة كتير حلوة :
يا شباب نحنا فينا نجمع تواقيع الشباب و نرفعها عن طريق الهيئة الادارية لرئاسة الجامعة و اللي بيحسنو يرفعوها لسيادة الرئيس بشار الأسد , و أكيد الرئيس رح يشوفلنا حل للمشكلة اللي وقعنا فيها .......بئا شو رأيكن؟؟؟ نورونا يا شباب !!
ملاحظة : أكيد فينا نستعين ببقية شباب الكليات .. يالله منتظر آرائكن

المشاركة الأصلية بواسطة shakazolo

يا عمور إذا كان بدك تجمع تواقيع فما في حدا عندك بالكلية عندو الشجاعة يحط راسو ضد مرسوم تشريعي من الرئيس أو من الوزارة أو حتى ضد أي قرار يتخذه العميد ، وهذا شفناه عندما أصبح الفحص 21 يوم ، ما حدا بالمحاضرة التي ألقاها نزار عقيل أو العميد استطاع أن يقول قراركم وقرار الوزارة خاطئ إلا محمد السيد ، وبعض الشباب من سنتنا ، فهل هذا معقول ، أي موضوع يهم السنوات الست ولا يخرج سوى أربع أو خمس أشخاص من السنة الثالثة ليقفوا بوجه العميد ورئيس الجامعة ، وبدون المساندة الجماعية لن يكون هناك أي وجود لما يسمى معارضة ......

حبيبي عمور خايف عليك يسموك معار.................................ض .

بلا لك يا ها ..................... وإذا بتقدر احذف الموضوع كله من المنتدى .

لست متشائماً ولكن خايف على حالي .

له يا شكازولو , هي ما حبيتا منك !!!
اش نحنا آعدين بدولة متل أفغانستان يعني؟؟
ما فيها شي إذا أخذنا موافقة الهيئة الادارية و اشتغلنا على هل الأساس , مو مشكلة ..
ع كل حال إذا لهل درجة خيفان ع حالك , ما ضروري توقّع !! مو هيك شباب؟

عمور444 رغم أنا من الكباريه"يعني الكبار" و مالي مصلحة من الموضوع بس هاد فعلاً ظلم وقت بيصر الوقت قللي بوقع معكون و بقنع رفقاتي لأنو هاد ظلم اللي وقع عليكم

بس أقللك

مارح يمشي الحال

المشاركة الأصلية بواسطة RWTH

عمور444 رغم أنا من الكباريه"يعني الكبار" و مالي مصلحة من الموضوع بس هاد فعلاً ظلم وقت بيصر الوقت قللي بوقع معكون و بقنع رفقاتي لأنو هاد ظلم اللي وقع عليكم

بس أقللك

مارح يمشي الحال

كبييييييييييييييييييييير يا حزّوم , الله يخليلنا ياك , أنا برأيي بإذن الله رح يمشي الحال , و لّا برأيك لا أتفائل؟؟

عفواً يا عمور ، ما كا قصدي إنو نحنا راح نتركك لحالك لما تبدأ تجمع تواقيع بس أنا خايف عليك وعلى بقية الشباب ، إنو ياخدونكم في سين وجيم كالمعتاد وفي النهاية لا يتحقق إلا الأمر القديم ولا يحدث أي تغيير ، وتكون الخسارة فادحة .......................

لعيونك عمور ، ابدأ أنت جمع التواقيع وراح طجلك توقيعي بقلم أزرق حبر 0.7 ملم ، مو بس هيك أساعدك بجمع تواقيع تانية ....................... بس أنا ما ني متفائل إنك راح تقدر تبلش تجمع تواقيع أصلاً .

ولا تزعل مني خيو .............

المشاركة الأصلية بواسطة shakazolo

عفواً يا عمور ، ما كا قصدي إنو نحنا راح نتركك لحالك لما تبدأ تجمع تواقيع بس أنا خايف عليك وعلى بقية الشباب ، إنو ياخدونكم في سين وجيم كالمعتاد وفي النهاية لا يتحقق إلا الأمر القديم ولا يحدث أي تغيير ، وتكون الخسارة فادحة .......................

لعيونك عمور ، ابدأ أنت جمع التواقيع وراح طجلك توقيعي بقلم أزرق حبر 0.7 ملم ، مو بس هيك أساعدك بجمع تواقيع تانية ....................... بس أنا ما ني متفائل إنك راح تقدر تبلش تجمع تواقيع أصلاً .

ولا تزعل مني خيو .............

كبير خيّو , و الله ما زعلت منك , بعدين أنا مارح أعمل شي قبل ما أجيب موافقة من الاتحاد الوطني , بس ما بعرف ليش الكل خايف , يا شباب لمّا الشغلة رح تصير تحت مراقبة الاتحاد الوطني مارح يصير مشاكل , اشبكن؟؟