لقد قرأت موضوع( طالبة جامعية شريكة حياتك ) بالمنتدى و قد أثارني حقاً لأنني أرغب في مناقشة أفكاركم عن الفتاة الجامعية و بالأخص طالبة الطب .. لذلك أردت أن أفتح نقاشاً جديداً عن هذا الموضوع و لكن بطريقة أخرى .
فالحقيقة أني عندما دخلت كلية الطب التي طالما كنت أحلم بها,فوجئت بأن طالبة الطب غير مرغوب فيها في مجتمعنا . و أول من جعلني أشعر بذلك طبيب ...نعم , فقد قال لي: " الله يصلحك ليش دخلت طب ... يعني إنت هيك " تقريباً" قطعت بنصيبك و هيك صار الشباب اللي رح يتقدمولك أقل" و التفت إلى أمي و قال لها :" إذا إجاها (يعني تقدم لها شاب) و لو قبل التخرج معلش يعني لا تتركيها لبعد التخرج و إلا ......... "
و تابع الدكتور كلامه " كتير بنات زميلات بالكلية اللي تركوا حالهن لبعد التخرج؛ ما طلع نصيبهم لحدِّ الآن".
الحقيقة أنني لم أستمع له و لم أتأثر بكلامه مطلقاً لكن لا أنكر بأنني قد فوجئت فالذي قال هذا الكلام طبيب , و هو أدرى و أعلم بذلك ....لم أتأثر بكلامه لأنني مؤمنة تمام الإيمان بالقضاء و القدر و أن الزواج قسمة و نصيب و عندي تمام اليقين بأن كل فتاة قد خُلقت من ضلع رجل و أن هذا الرجل هو الذي سوف يتزوجها إذا شاء الله عاجلاً أم آجلاً .أما إن سألتموني عن النساء غير المتزوجات ؛ أقول لكم أنه من المحتمل أن يكون ذلك الرجل الذي قد خلقت من ضلعه قد توفي و هو طفلا.
بكل الأحوال دعونا نبقى في صلب الموضوع بالنسبة لطالبة الطب بالخاصة
(آسفة بدي أحول على العامي لأنو هيك أريح )
رح أحكيلكم شغلة : مرة طالبة من هالطالبات الطب كانت مع أمها بالسرفيس , و بتعرفوا النسوان الحلبية إذا شافوا بنت حلوة فوراً بيسألوها إذا كانت مخطوبة ؟! أمها جاوبتها : " لأ. بس هيّ عم تدرس ..." قالت لها المرأة الحلبية : "معلش و إذا كان , بتكمل دراستها عنا , إش هالشغلة!!..." قالت لها أمها : "هيّ عم تدرس طب ....."
قلت لها :"لأ ,يي يا خيتو إذا عم تدرس طب خليها عم تدرس طب ...."
طبعاً نحنا- بنات الطب- مالنا متشردقين على هيك ناس (عم بحكي على الناس غير المثقفين) بس القصة لما بيجي دكتور بيقول لماما " الله يصلحك ليش خليتيها تدخل طب " و لحدّ الآن 3 دكاترة بيحكوا نفس الحكي لماما .
لا تزعلوا علي لأنو متل ما قلتلكن أنا مؤمنة أشد الإيمان بالقضاء و القدر, ومن ناحية تانية ,أنا - و الحمد لله - كتير مبسوطة بكليتي و كلما عم بكبر عم بحب الطب أكتر .
لما طلبت من الدكتور إنو يفسر كلامه أكتر قال لي "الطب مشواره طويل "
طيب سؤال : إذا الطب مشواره طويل ؛ طويل على البنت و الشب .احسبوها معي:
الشاب رح يمضي 6 سنين بالجامعة + 4 سنين على الأقل اختصاص + سنتين عسكرية = 12 سنة على الأقل.
أقصد إذا كان الشاب قد تخرج من الجامعة و عمره 24 سنة , قولوا لي هذا الشاب متى سيؤمن تكاليف الزواج و المهر والمنزل و العيادة و تجهيزاتها؟؟؟؟(آسفة إذا كنت كبرت الوهم عليكم) أما بالنسبة للفتاة فهذه الأشياء غير مسؤولة عنها , ما عليها غير تدرس و بس ,و العيادة لوحدها شغلتها بسيطة (بتدبّر) فليش بيقولوا مشوارها طويل على البنت ؟التفتوا حواليكم و طلعوا على بنات من كلية تانية , على أساس أربع سنوات و بتخلص و بعدين بتشحط معها ست سنين أو أكتر و ما بتشعر بسبب التهاون الذي يؤدي إلى حمل المواد ....!!
اختصاراً, أريد أن أطرح عليكم كم سؤال :
ليش الشب بعكس البنت إذا دخل طب ؛صار دكتور و شي شغلة عظيمة و ألف بنت بتتمناه ؟؟؟صحيح البنت الدكتورة بيحترموها الناس لكن تبقى غير مرغوب فيها كزوجة مثل الشاب الدكتور(و في ناس ما بيحترموها لأنها بنت و على قولتن بتضل البنت بنص عقل و الدكتور بيفهم أكتر من الدكتورة و الصراحة أنا ما اكتشفت هالشي إلا لما رحت على مشفى الرازي و شفت بعيني , و بستغرب أكتر لما نسوان بييحكو هالحكي و كأنني أنا بنت و هي شي تاني , لأ يا سيدي مو هيك القصة . القصة أنو هالبنت تربت على هالأساس و ترسخت هالفكرة بذهنها و رضت بأمرها الواقع)
ليش طالب الطب ممكن أنو يفكر بطالبة درست للبكالوريا فقط أو يمكن حتى ما تكون أخدت البكالوريا: بس العكس مو صحيح ،يعني بالنسبة لطالبة الطب كتير قليل منهم بيفكروا أو يقبلوا بشخص أخد البكالوريا بس , إلا إذا كانت حالته المادية كتير منيحة ؟؟؟؟
لا تفكروا أنو هي أفكاري , لكن هي هيّ أفكار مجتمعنا . طلعو شوي على أفكار الناس اللي حواليكم رح تعرفو أديش البنت مظلومة من قبل مجتمعنا .هناك الكثير من الأفكار التي تجول في خاطري لكني أكتفي بهذا الآن حتى أسمع ردكم و تعليقاتكم على هذا الموضوع .و أرجو ألا تبخلوا علي بملاحظاتكم.
و السلام عليكم ورحمة الله و بركاته .....

المشاركة الأصلية بواسطة drmohi

بس بدي أخالفك بنقطة يا أخ Evereve و بحب أقلك إنو الشب ما بيهمو بالبنت بس شكلا وإلا بيكون هالشب كتير سطحي وأنا بالنسبة إلي ما بعطي للشكل إلا 40% مقارنة مع اعتبارات تانية

خيو يمكن عم يمزح ! ولا شو ابو النيز ؟؟؟

عندما دخلت كلية الطب في حلب ، سمعت الكثير عن الطالبات في كليتنا قبل دخولي ، ولكن ما أذهلني هو أن كل ما قيل لي عنهن انطبق تماماً على الكثير من فتيات سنتنا ( إللي نجحوا على الرابع حصراً ) بشكل مو طبيعي .

أين المشكلة ؟
طبعاً المشاكل الأساسية هي في أسلوب التعامل مع الجنس الآخر ( الذكور ) ، أحبائي المستمعين إننا طلاب الطب في كلية حلب نعاني من نظرات الازدراء والكبر التي ترمقنا بها زميلاتنا طالبات الطب ، وكذلك نعاني من خجلهم المفرط حتى في سؤال الدكتور ، ونعاني من أنهن يحتللن المراكز الأولى في دفعتنا فلا نستطيع لهم صداً ولا رداً ، لأن مجال اهتمامهم الوحيد هو الدراسة وفقط .

هل أنا مخطئ ؟ قولو لي إن كنت مخطئاً ، لكنه واقع .

طالبات الطب هن اللواتي أظهرن تلك الصورة ( إنون معقدات وغير ذلك من الكلام التافه ) على أنفسهن من تصرفاتهم الخالية من الشعور بالمسؤولية .

أنا لا أقصد الإساءة إنما أعرض واقعاً أعيشه بين زملائي وزميلاتي ، أرجو لكم أن تنتهوا من السنوات الست دون أن تحصلوا على موقف بهدلة من شي زميلة إلكم لأنو أحدكم جلس على مسافة تقل عن 100 سم بعيداً عنها ..............

فهل أنا مخطئ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

مثال :
إحدى الفتيات الاللواتي يلبسن القنوع كانت تقدم فحص عملي في مخبر الكيمياء ، وكان للصدفة السيئة أن أحد رفاقي واقفاً في المكان الذي أمامها ، وبعد انتهاء الوقت المحدد سألت المسؤولة عن المخبر الطلاب كي يغلقوا الغاز ويطفؤوه ...................... فسأل صديقي ببراءة تلك الفتاة : "هل انتهيت من العمل كي أغلق صنبور الغاز " ( طبعاً تعرفون أنو هناك جرة غاز وحدة لكل طالبين ) .
فلم ترد عليه تلك الطالبة ، فأعاد السؤال ، ولم ترد عليه ، فأعاده للمرة الثالثة وبصوت عال ، وكذلك لم تجبه .

فغضب ذلك الصديق العزيز وقال بالحرف الواحد :" عندما أسألك إن كنت انتهيت من الغاز ليس قصدي إنو أطبقك "

هل تصرفه صحيح ؟ قد يكون عصبي زيادة عن اللزوم ، ولكن طبعاً هذه الفتاة من الممكن أنها تعتبر سؤاله الأول لها كان من دواعي المغازلة التي ( لا أعتقد أنها تعرف عنها شيئاً ) .

وكفــــــــــــــــــــــ ـــــــــــــــــــــــــ ـى يا طالبات الطب ................
غرست كفك تجتثين أوردتي وتسحقين بلا رفق مسراتي

حبيبي كاظم

و الله يا صاحبي كلنا منحكي هيك بس بالنهاية لما بتمرء بنت حلوة من ئدامنا بتشط رويلاتنا و بصير معنا جحوظ من الدرجة العاشرة

هلأ صح ما رح تتجوز البنت لانها حلوة و اكيد بالزواج في اعتبارات كتير اهم بس بالنسبة لموضوع الاعجاب ببنت فالشكل الو تسعين بالمية من العلامة

, Mr.sam , RWTH ,Evereve,TURBO , The Man
شكرا ًلكم جميعاً لإبداء آرائكم .
أخي drmohi
ماذا تقصد بِ( التجارب القاسية التي تطيح بقدر أكبر من رقتها كأنثى )
فيك تقول أنو هال كم عضمة اللي مسكناهم و لاّ الأشلاء اللي مو باين إنها أشلاء أصلا هيّ اللي رح تقلل من رقة الأنثى .....؟! إذا بدك الحقيقة كلامك فيه وجهة نظر , بس مو كتير.....

أخي RWTH, أخي Evereve:
عن أبي هريرة رضي الله عنه أن رسول الله صلى الله عليه و سلم قال: ( من كان يؤمن بالله و اليوم الآخرفلا يؤذي جاره و استوصوا بالنساء خيراً فإنهن خلقن من ضلع و إن أعوج شيءٍ في الضلع أعلاه فإذا ذهبت تقيمه كسرته و إن تركته لم يزل أعوج فاستوصوا بالنساء خيراً) رواه البخاري
من الحديث يتضح لنا أن المرأة قد خلقت من ضلع رجل و هذا لا يمكننا المناقشة عليه . أما عن النساء غير المتزوجات فالذي قد خلقت من ضلعه ربما يكون قد توفي و المرأة التي تزوجت أكثر من رجل (طلقت و تزوجت مرة أخرى مثلا) بكل بساطة خلقت من ضلعين (مو مطعمة بطعم خارجي ولا الDNA نص من رجل و النص التاني من رجل آخر!!) يا أخي EVEREVE فكر بطريقة أسمى من هيك ....
و الرجل الذي تزوج أكثر من امرأة ؛ كل امرأة منهن خلقت من ضلعه ( وين المشكلة ؟؟!!)
يا أخي EVEREVE لما الرسول عليه الصلاة والسلام بيقللك أنو انخلقت من ضلع رجل ضروري يكون إلها نفس الDNA الي إلو ...... لا تفهم الحديث غلط و فكر بطريقة تانية
أما لما قلت : (بس بستغرب إنو في ناس مثقفة و متعلمة و فهمانة لسا بتحكي بهالمنطق المتخلف ) الله يسامحك!
و شكراً لكم جميعاً......

عن أبي هريرة رضي الله عنه قال قال رسول الله استوصوا بالنساء فإن المرأة خلقت من ضلع وإن أعوج شيء في الضلع أعلاه فإن ذهبت تقيمه كسرته وإن تركته لم يزل أعوج فاستوصوا بالنساء (بخارى رقم: 3135)

Abu Hurayrah reports that Allah’s Prophet said: Treat women nicely, for a woman is created from a rib, and the most curved portion of the rib is its upper portion; so, if you should try to straighten it, it will break, but if you leave it as it is, it will remain crooked. So treat women nicely. (Bukhari, No: 3135)

It needs to be appreciated that according to the Qur’an, Eve was not created from Adam’s rib. The first verse of Surah Nisa explicitly states that the first man and woman (Adam and Eve) were created directly by the Almighty:

يَاأَيُّهَا النَّاسُ اتَّقُوا رَبَّكُمْ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَتَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا (1:4)

O mankind! Fear your Lord, Who created you from a single person, created, of like species his mate, and from these two scattered countless men and women [in this world], and fear Allah through whom you seek mutual help and fear breaking blood relationships. Indeed God is watching over you. (4:1)

Some people translate this verse as ‘It is he Who has created you from a single person (Adam) and then He created from him his wife (Eve)’. They explain this verse by saying that Eve was created from the rib of Adam. This misleading translation has probably arisen because of a literal translation of the Arabic words

‘وَخَلَقَ مِنْهَا زَوْجَهَا’

‘and created from him [–the initial soul–] his wife’
Actually the word
‘مِنْهَا’
(from the soul) does not imply that ‘Eve was made from Adam’; it rather implies that Eve was made from the same species as Adam. A similar verse points to this interpretation:

وَاللّهُ جَعَلَ لَكُم مِّنْ أَنفُسِكُمْ أَزْوَاجًا (72:16)

It is God who has made from your species your mates. (16:72)

A literal translation of the words
‘جَعَلَ لَكُم مِّنْ أَنفُسِكُمْ أَزْوَاجًا’
of the above quoted verse which are similar to

‘وَخَلَقَ مِنْهَا زَوْجَهَا’
would mean ‘it is God Who has created your mates from you’ implying that every wife is made from her husband as Eve was. This of course is incorrect; the word anfus (plural of nafs) in this verse means ‘genre’, ‘species’ and not ‘physical being’.

As far as the actual Hadith quoted above is concerned, it needs to be appreciated that in Arabic the words ‘created from’ do not necessarily refer to the substance of creation; they can also refer to the nature of something. For example the Qur’an says: ‘Man has been created from hastiness’ (21:37). This does not of course mean that man’s substance is hastiness; it only refers to his nature.

Secondly, if all the textual variants of the Hadith are collected and analyzed, it becomes evident that the Prophet (sws) has compared the nature of a woman with a rib. The comparison subtly alludes to the fact that a woman’s nature is very delicate and tender as well as a bit adamant. The Prophet (sws) has advised men to treat them tactfully keeping in view this nature. Instead of forcing them to accept a particular point of view, men should try to convince and persuade them.




الخلاصة انو المرأة لم تخلق من ضلع الرجل و ما قصده الرسول صلى الله عليه و سلم هو ان المرأة رقيقة و حساسة, في نفس الوقت ليست مرنة تماما كالضلع .... فالرسول صلى الله عليه وسلم في هذا الحديث يامر الرجال بان يتعاملو مع النساء بالسياسة اخذين بعين الاعتبار هذه الطبيعة.
فبدلا من محاولة ارغامهم على تقبل فكرة ما يجب على الرجال ان يتبعو سياسة الحجة و المنطق في اقناعهم

آسف انو ماترجمت كامل النص نظرا لصعوبة الكتابة بالعربية , و رح اوكل هالمهم لاحد اصدقائي

اوبتيمستو او RWTH و شكرا

اما موضوع الله يسامحني فانا ئلت انك مثقفة و متعلمة و فهمانة ... اما موضوع الافكار المتخلفة فهي شي طبيعي موجود بجتمعنا المتخلف و ليس القصد انو انت المتخلفة , و آسف اذا كانت طريئتي بالتعبير غير واضحة ... و شكرا الك

أخت روز
دخلتينا في نقاش بشوفو أهم من الموضوع ذاته لأنو بيوصل لنتيجة على الأقل

المهم طالما وجهتيلنا توضيحك مشكورة عليه و أخي Evereve رد عليك بلغتين رح أعطيك شي مختصر مفيد منشان ترتاحي
بتمنى إنو يكون للدكتور محمد سعيد رمضان البوطي احترام العلماء و تقديرهم عندك حتى نحسن نتفاهم

الدكتور البوطي بيقول :
السؤال كان موجهاً للدكتور البوطي

هل صحيحٌ أن الزواج بيد الله‏؟‏ وأنِّه سبحانه يكتب النصيب‏،‏ وإذا كان لشخص نصيب في شخص لا يستطيع أحد أن يقف في وجهه‏؟‏ وإذا كانت المرأة مخلوقة من ضلع الرجل الذي يكون زوجها في حال تزوج أكثر من واحدة‏،‏ هل الجميع مخلوقين من ضلعه‏؟‏ وإذا كان العكس وتزوجت الفتاة من أكثر من رجل في هذه الحالة كيف يكون‏؟‏
الجواب :
نعم الزواج داخل في كل ما قد قضى به الله وقدر. إذن فلا يستطيع أحد أن يخالف قضاء الله عز وجل.
* لم يقل أحد إن المرأة مخلوقة من ضلع الرجل الذي سيتزوجها‏،‏ هذا كلام باطل.

معلش هي كمان سؤال تاني أقوى من القبلو منشان ترتاحي عالخالص:
ما معنى أن المرأة مخلوقة من ضلع الرجل‏؟‏

معنى أن المرأة مخلوقة من ضلع الرجل‏،‏ هو أن الله عندما خلق آدم‏،‏ حلق حواء من جزء من الطينة التي خُلق آدم منها‏،‏ وذلك هو صريح قوله عزّ وجلّ‏:‏ ‏{‏هُوَ الَّذي خَلَقَكُمْ مِنْ نَفْسٍ واحِدَةٍ‏،‏ وجَعَلَ مِنْها زَوْجَها لِيَسْكُنَ إلَيْها‏}‏ ‏[‏الأعراف‏:‏ 7/189‏]‏‏،‏ فالآية صريحة في بيان أن حواء لم تخلق خلقاً مستقلاًّ من طينة مستقلَّة‏،‏ وإنما اقتطع من طينة آدم ما صيغت منه حواء. كما أنَّ الآية صريحة في بيان الحكمة من ذلك‏،‏ وهي أن تسكن المرأة إلى الرجل والرجل إليها‏،‏ نظراً إلى أن المرأة قد كانت في الأصل بضعة منه.
إذا تبيَّن هذا‏،‏ فاعلمي أن تكاثر الناس بعد ذلك رجالاً ونساءً‏،‏ لا علاقة له بهذا الذي يقوله عزّ وجلّ عن أصل النَّشأة الأولى لآدم وحواء. بل الثابت أن تكاثر الناس لا يتم إلا طبق ما يقرره العلم ويطَّلع عليه العلماء‏،‏ وكل ما بلغك مما تسألين عنه خرافة ووهم.

لذلك اقتضى التوضيح

خيت برجع بأكد على كلامي الشغلة كلا قسمة و نصيب في تصرفات خاطئة عمتحصل عمتنفر الناس من بعضا
كل مين يلتزم باللي الله أمرنا فيو و يلتزم بالأخلاق الصالحة و يحط رضى رب العالمين جل و علا بين عينيه و الله ما بيخيبو و كل هالوسائل التانية مالا فائدة .


تحياتي
حازم

الصراحة الصراحة, آخر مرة وقت اللي كتبت ما كملت حكيي (كنت مستعجلة) . باختصار, اللي فهمته من الحديث أنو المرأة انخلقت من ضلع رجل بس المعنى مو حرفي , يعني ما انخلقت لا من الضلع الأول ولا التاني, بس المعنى مجازي.
بالنسبة للي بعرفو و مقتنعة فيه (متل ما سمعت عمرو خالد عم بيقول بشي حلقة من حلقاته)أنو حواء انخلقت من ضلع آدم أو خلينا نقول من آدم (عليه السلام) و هالشي صار بينما آدم كان نائماً
و هون بحب أنوه على عدة نقاط:
الأولى: خلقت حواء من ضلع آدم الأقصر الأيسر و هو نائم (هذا ما قرأته في تفسير صحيح البخاري) يعني الضلع الذي يحمي القلب لأنها ستكون سَكَن لزوجها ( تِطبطب عليه – على قولة عمرو خالد-)حيث عندما سأل آدم عليه السلام ربه عنها لم خلقت أجابه لتكون سَكَن لك
الثانية: خلقت المرأة من روح ( كمان هون المعنى مو حرفي ) و هذا ما يعلل طبيعة الأنثى و ما لها من رقة و حنية و الحكمة من ذلك أنها ستتعامل مع الأطفال و تربيهم و ترق لطفلها عند سماعها لبكائه .بينما الرجل خلق من تراب و هذا يعلل رجوليته و خشونته لأنه سيتعامل مع الأرض و يكدح و يتعب ليؤمن لقمة العيش لعائلته.
و النقطة الثالثة :أنها خلقت من ضلعه و هو نائم , وهذه رحمة من الله لأن هذا الخلق ( كما قال عمرو خالد) يسبب له الألم و لذلك خلقها الله تعالى وهو نائم لكي لا يشعر بالألم , لأنه إن شعر بالألم لن يستلطفها على عكس المرأة إذا تألمت , فهي تتألم أشد الآلام أثناء الحمل و الولادة و مع ذلك فهي تحب طفلها أشد الحب و هو أغلى ما تملك في حياتها ............
الحقيقة الحقيقة أنا حسيت حالي بالبداية بلشت أضيع و تتلخبط أفكاري وكنت عم دور عالجواب الناجع الشافي
بس لما قرأت رد RWTHستوعبت الأمر كتير منيح
أما بالنسبة للي كتبته بالانكليزي حسيت أنو فيو شي كم سطر ناقص
بعد كلمة the almighty شو في؟؟!!

في الآية الكريمة اللي مكتوبة

هلأ رجعت ئريت اللي كاتبو ... مافي شي نائص


اما ئصت الضلع و نايم و اليسار ... فما بعرف .... ممكن تؤليلنا هالمعلومات القيمة شو مصدها ?? (من القرآن و الحديث الشريف طبعا) , لانو حكي عمر خالد لا يصلح كمرجع ديني

لانو حسب كتب التفسير " حواء لم تخلق من ضلع آدم , و انما التعبير كان مجازي " و طالما هاد المكتوب بالقرآن فحكي عمر خالد متل ئلته ..... مع احترامي الشديد لهذا الانسان

طبعا الآيات القرآنية و تفسيرها مكتوبين في مشاركتي السابقة و انشاء الله رح فضي حالي مشان ترجمها بالكامل , بس بشكل عام فيها نفس الكلام اللي ئاله الاخ RWTH

شكراً كتير كتير لإلكن يا RWTH وEVEREVE.لأنو هاللأ توضحت أفكاري كتير منيح بالنسبة لهالموضوع.
أما بالنسبة لقصة جرة الغاز اللي حكالنا عليها الأخ shakazolo ؛ الحقيقة إنو في شغلات كتير يمكن إنتو ما بتعرفوها عن هيك بنات لأنكن ما تعاملتو معهن , أو يمكن بتعرفوها بس ما بتحسو فيها .
يعني بدي أسألكن لما البنت ما بتطلع من بيتها إلا مرتين فقط خلال طول الصيفية ؛ هَيْ شو برأيكن رح يطلع منها إذا حكى معها شي شب و لو كان عم يسألها شي سؤال ضروري ؟؟؟
و لما البنت (غير هديك البنت) أهلها ما بيسمحولها تدخل عالكلية لأنو برأيهن الكلية مش للبنات , الكلية بس للشباب و على قولتن هنن ما عندن بنات يدرسو بالجامعة. بس سمحولها تدخل كلية الطب (بالزور) بس لأنها كلية كويسة و محترمة .....برأيكن هيك بنت شلون رح تقدر ترفع راسها لحتى تجاوبه على سؤاله؟؟؟؟
و خود من هالجبن و سيّخ.... يعني متل هالنماذج كتيرين في مجتمعنا و أنا ما اكتشفت هالنماذج إلا لحتى عاشرتن بالجامعة .
مرة سألت زميلتي: طيب ليش ما بتعملي شي دورات بالصيف و بتشغلي وقتك بشي مفيد شي مثلا متل تحفيظ القرآن و التجويد ؟ ضحكت باستهزاء و قالت : شلون بدك ياني أأقنع أهلي بهالشي .....؟! لالالأ مستحيل (و قرن في بيوتكن ) البنت ما لازم تطلع من بيتها أبداً إش قلبت شب ؟؟!!

بالمختصر لما الشب سأل البنت منشان جرة الغاز ما جاوبته مو لأنو خافت أو فكرت أنو هو عم طبقها متل ما هو فكر ..... لأ, بس هيّ في مجتمعها ما عندن شب يسأل بنت أبداً........... وأكيد هيّ خجلت وانعبطت و ما عرفت إش تعمل و أكيد دارت و جهها يمين و شمال لحتى تتهرب من سؤاله.....متل ما قلتلكن لأنو هي هيك جو بيتها و متل ما لاحظتو أنو هالحكي صار بفحص الكيميا بالسنة الأولى , يعني هيك بنات لسا ما تعودت عيونن تشوف شباب أو أذنن لتسمع صوت شب عم يحكي معها ......... أصلاً هنن ما بيعرفو شباب غير أبوهن , أخوهن , خالهن و عمهم , هي إذا طلعو من البيت و راحو لعندن, و ما تنسو إنو الرجال بيقعدو لحال و النساء و البنات لحال.... بئى أنتو وين رايحين بهالزحمة؟؟؟؟

عن أبي هريرة رضي الله عنه قال قال رسول الله استوصوا بالنساء فإن المرأة خلقت من ضلع وإن أعوج شيء في الضلع أعلاه فإن ذهبت تقيمه كسرته وإن تركته لم يزل أعوج فاستوصوا بالنساء (بخارى رقم: 3135)

Abu Hurayrah reports that Allah’s Prophet said: Treat women nicely, for a woman is created from a rib, and the most curved portion of the rib is its upper portion; so, if you should try to straighten it, it will break, but if you leave it as it is, it will remain crooked. So treat women nicely. (Bukhari, No: 3135)

It needs to be appreciated that according to the Qur’an, Eve was not created from Adam’s rib. The first verse of Surah Nisa explicitly states that the first man and woman (Adam and Eve) were created directly by the Almighty:

يَاأَيُّهَا النَّاسُ اتَّقُوا رَبَّكُمْ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَتَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا (1:4)

O mankind! Fear your Lord, Who created you from a single person, created, of like species his mate, and from these two scattered countless men and women [in this world], and fear Allah through whom you seek mutual help and fear breaking blood relationships. Indeed God is watching over you. (4:1)

Some people translate this verse as ‘It is he Who has created you from a single person (Adam) and then He created from him his wife (Eve)’. They explain this verse by saying that Eve was created from the rib of Adam. This misleading translation has probably arisen because of a literal translation of the Arabic words

‘وَخَلَقَ مِنْهَا زَوْجَهَا’

‘and created from him [–the initial soul–] his wife’
Actually the word
‘مِنْهَا’
(from the soul) does not imply that ‘Eve was made from Adam’; it rather implies that Eve was made from the same species as Adam. A similar verse points to this interpretation:

وَاللّهُ جَعَلَ لَكُم مِّنْ أَنفُسِكُمْ أَزْوَاجًا (72:16)

It is God who has made from your species your mates. (16:72)

A literal translation of the words
‘جَعَلَ لَكُم مِّنْ أَنفُسِكُمْ أَزْوَاجًا’
of the above quoted verse which are similar to

‘وَخَلَقَ مِنْهَا زَوْجَهَا’
would mean ‘it is God Who has created your mates from you’ implying that every wife is made from her husband as Eve was. This of course is incorrect; the word anfus (plural of nafs) in this verse means ‘genre’, ‘species’ and not ‘physical being’.

As far as the actual Hadith quoted above is concerned, it needs to be appreciated that in Arabic the words ‘created from’ do not necessarily refer to the substance of creation; they can also refer to the nature of something. For example the Qur’an says: ‘Man has been created from hastiness’ (21:37). This does not of course mean that man’s substance is hastiness; it only refers to his nature.

Secondly, if all the textual variants of the Hadith are collected and analyzed, it becomes evident that the Prophet (sws) has compared the nature of a woman with a rib. The comparison subtly alludes to the fact that a woman’s nature is very delicate and tender as well as a bit adamant. The Prophet (sws) has advised men to treat them tactfully keeping in view this nature. Instead of forcing them to accept a particular point of view, men should try to convince and persuade them.

هي مشاركتي نفسها بس لونت الآيات الكريمة و ترجمتها ليسهل تمييزها عن باقي النص ... و مرة تانية بوعدكون انو انشالله رح فضي حالي و ترجم المشاركة بالكامل