لقد قرأت موضوع( طالبة جامعية شريكة حياتك ) بالمنتدى و قد أثارني حقاً لأنني أرغب في مناقشة أفكاركم عن الفتاة الجامعية و بالأخص طالبة الطب .. لذلك أردت أن أفتح نقاشاً جديداً عن هذا الموضوع و لكن بطريقة أخرى .
فالحقيقة أني عندما دخلت كلية الطب التي طالما كنت أحلم بها,فوجئت بأن طالبة الطب غير مرغوب فيها في مجتمعنا . و أول من جعلني أشعر بذلك طبيب ...نعم , فقد قال لي: " الله يصلحك ليش دخلت طب ... يعني إنت هيك " تقريباً" قطعت بنصيبك و هيك صار الشباب اللي رح يتقدمولك أقل" و التفت إلى أمي و قال لها :" إذا إجاها (يعني تقدم لها شاب) و لو قبل التخرج معلش يعني لا تتركيها لبعد التخرج و إلا ......... "
و تابع الدكتور كلامه " كتير بنات زميلات بالكلية اللي تركوا حالهن لبعد التخرج؛ ما طلع نصيبهم لحدِّ الآن".
الحقيقة أنني لم أستمع له و لم أتأثر بكلامه مطلقاً لكن لا أنكر بأنني قد فوجئت فالذي قال هذا الكلام طبيب , و هو أدرى و أعلم بذلك ....لم أتأثر بكلامه لأنني مؤمنة تمام الإيمان بالقضاء و القدر و أن الزواج قسمة و نصيب و عندي تمام اليقين بأن كل فتاة قد خُلقت من ضلع رجل و أن هذا الرجل هو الذي سوف يتزوجها إذا شاء الله عاجلاً أم آجلاً .أما إن سألتموني عن النساء غير المتزوجات ؛ أقول لكم أنه من المحتمل أن يكون ذلك الرجل الذي قد خلقت من ضلعه قد توفي و هو طفلا.
بكل الأحوال دعونا نبقى في صلب الموضوع بالنسبة لطالبة الطب بالخاصة
(آسفة بدي أحول على العامي لأنو هيك أريح )
رح أحكيلكم شغلة : مرة طالبة من هالطالبات الطب كانت مع أمها بالسرفيس , و بتعرفوا النسوان الحلبية إذا شافوا بنت حلوة فوراً بيسألوها إذا كانت مخطوبة ؟! أمها جاوبتها : " لأ. بس هيّ عم تدرس ..." قالت لها المرأة الحلبية : "معلش و إذا كان , بتكمل دراستها عنا , إش هالشغلة!!..." قالت لها أمها : "هيّ عم تدرس طب ....."
قلت لها :"لأ ,يي يا خيتو إذا عم تدرس طب خليها عم تدرس طب ...."
طبعاً نحنا- بنات الطب- مالنا متشردقين على هيك ناس (عم بحكي على الناس غير المثقفين) بس القصة لما بيجي دكتور بيقول لماما " الله يصلحك ليش خليتيها تدخل طب " و لحدّ الآن 3 دكاترة بيحكوا نفس الحكي لماما .
لا تزعلوا علي لأنو متل ما قلتلكن أنا مؤمنة أشد الإيمان بالقضاء و القدر, ومن ناحية تانية ,أنا - و الحمد لله - كتير مبسوطة بكليتي و كلما عم بكبر عم بحب الطب أكتر .
لما طلبت من الدكتور إنو يفسر كلامه أكتر قال لي "الطب مشواره طويل "
طيب سؤال : إذا الطب مشواره طويل ؛ طويل على البنت و الشب .احسبوها معي:
الشاب رح يمضي 6 سنين بالجامعة + 4 سنين على الأقل اختصاص + سنتين عسكرية = 12 سنة على الأقل.
أقصد إذا كان الشاب قد تخرج من الجامعة و عمره 24 سنة , قولوا لي هذا الشاب متى سيؤمن تكاليف الزواج و المهر والمنزل و العيادة و تجهيزاتها؟؟؟؟(آسفة إذا كنت كبرت الوهم عليكم) أما بالنسبة للفتاة فهذه الأشياء غير مسؤولة عنها , ما عليها غير تدرس و بس ,و العيادة لوحدها شغلتها بسيطة (بتدبّر) فليش بيقولوا مشوارها طويل على البنت ؟التفتوا حواليكم و طلعوا على بنات من كلية تانية , على أساس أربع سنوات و بتخلص و بعدين بتشحط معها ست سنين أو أكتر و ما بتشعر بسبب التهاون الذي يؤدي إلى حمل المواد ....!!
اختصاراً, أريد أن أطرح عليكم كم سؤال :
ليش الشب بعكس البنت إذا دخل طب ؛صار دكتور و شي شغلة عظيمة و ألف بنت بتتمناه ؟؟؟صحيح البنت الدكتورة بيحترموها الناس لكن تبقى غير مرغوب فيها كزوجة مثل الشاب الدكتور(و في ناس ما بيحترموها لأنها بنت و على قولتن بتضل البنت بنص عقل و الدكتور بيفهم أكتر من الدكتورة و الصراحة أنا ما اكتشفت هالشي إلا لما رحت على مشفى الرازي و شفت بعيني , و بستغرب أكتر لما نسوان بييحكو هالحكي و كأنني أنا بنت و هي شي تاني , لأ يا سيدي مو هيك القصة . القصة أنو هالبنت تربت على هالأساس و ترسخت هالفكرة بذهنها و رضت بأمرها الواقع)
ليش طالب الطب ممكن أنو يفكر بطالبة درست للبكالوريا فقط أو يمكن حتى ما تكون أخدت البكالوريا: بس العكس مو صحيح ،يعني بالنسبة لطالبة الطب كتير قليل منهم بيفكروا أو يقبلوا بشخص أخد البكالوريا بس , إلا إذا كانت حالته المادية كتير منيحة ؟؟؟؟
لا تفكروا أنو هي أفكاري , لكن هي هيّ أفكار مجتمعنا . طلعو شوي على أفكار الناس اللي حواليكم رح تعرفو أديش البنت مظلومة من قبل مجتمعنا .هناك الكثير من الأفكار التي تجول في خاطري لكني أكتفي بهذا الآن حتى أسمع ردكم و تعليقاتكم على هذا الموضوع .و أرجو ألا تبخلوا علي بملاحظاتكم.
و السلام عليكم ورحمة الله و بركاته .....

أولاً مرحبا
وثانياً كجواب على السؤال المبدئي ما هو رأيي بطالبة الطب فأنا لا أنظر لطالبة الطب على أنها خارج حساباتي
أما لماذا ينظر المجتمع هذه النظرة لطالبة الطب أو للطبيبة فذلك يعود لاعتبارات عدة على حسب اعتقادهم منها أن الطبيبة تختبر خلال دراستها وعملها تجارب قاسية تطيح بقدر كبير من رقتها كأنثى كما أن تخرجها المتأخر ينقص من أسهمها في سوق الزواج وعذراً لهذا التعبير عدا عن طبيعة عملها التي تستوجب الكثير من الوقت مما لا يناسب الأسرة الشرقية وممارسة بعض الزوجات الطبيبات (الغنيت بطبيعة الحال) لضغوط مالية على أزواجهن الأقل يسرة منهن مما أساء لسمعة الطبيبات بشكل عام

نحنا حكينا بهيك موضوع من قبل، بس الظروف وقتها خلتني آخذ دور محامي الشيطان... وهلأ إجا الوقت إحكي في رأيي الحقيقي....

بصراحة ومن وجهة نظر شخصية، الطبيبة هي إنسانة عظيمة.... إنسانة ضحت بوقتها وشبابها مشان تفيد المجتمع... قلال البنات يلي إذا خيروهن بين زواج واستقرار من جهة ودراسة وتعب وإضاعة الشباب من جهة بيختارو طريق التضحية... الطبيبة بتستاهل من المجتمع كل احترام وتقدير وعرفان للجميل... بس للأسف مجتمعنا الذي يتسم بالتخلف ينظر للموضوع من وجهة نظر مختلفة.... لا تريد الحماية كنة فهمانة، ولا يريد الزوج امرأة أفهم منه أو مدخولها المادي أكبر منه.... وهدا كلو نتيجة عقدة نقص.....

بالنسبة إلي الارتباط بطبيبة مو بحساباتي متل drmohi... الارتباط بطبيبة من أولوياتي... وأكيد ما لح أمنعها أبداً من أنها تمارس شغلها وعلى راحتها... لأنها تعبت وبتستاهل تحصد ثمرة تعبها...

الطبيبة إنسانة عظيمة.... هي يمكن تكون شخصيتها مختلفة شوي عن غيرها... بس هي بالنهاية بتضل أنثى..... لها مشاعر وأحاسيس حتى يمكن أكتر من غيرها..... وبحب قلك يا أختي Rose، أنو هدول الأطباء اللي قالولك هيك، مع احترامي للجميع، هن ناس سطحيين.... مشان هيك لا تزعلي ولا يكنلك فكرة....

المشاركة الأصلية بواسطة rose

لقد قرأت موضوع( طالبة جامعية شريكة حياتك ) بالمنتدى و قد أثارني حقاً لأنني أرغب في مناقشة أفكاركم عن الفتاة الجامعية و بالأخص طالبة الطب .. لذلك أردت أن أفتح نقاشاً جديداً عن هذا الموضوع و لكن بطريقة أخرى . .

ألن تتعبوا من هذا ؟ إلى متى سنبقى نتناقش في أمور تتحكم فيها عوامل و ظروف عدة و لا تحددها أفكارنا فقط

المشاركة الأصلية بواسطة rose

فالحقيقة أني عندما دخلت كلية الطب التي طالما كنت أحلم بها,فوجئت بأن طالبة الطب غير مرغوب فيها في مجتمعنا . و أول من جعلني أشعر بذلك طبيب ...نعم , فقد قال لي: " الله يصلحك ليش دخلت طب ... يعني إنت هيك " تقريباً" قطعت بنصيبك و هيك صار الشباب اللي رح يتقدمولك أقل" و التفت إلى أمي و قال لها :" إذا إجاها (يعني تقدم لها شاب) و لو قبل التخرج معلش يعني لا تتركيها لبعد التخرج و إلا ......... "

يعني مع تحفظي على كلمة و إلا بس بظن إنو ما في مانع إذا تقدم شاب جاهز لفتاة قبل التخرج إنو يرتبطوا ببعض و يكملوا مشوارهن مع بعض

المشاركة الأصلية بواسطة rose

و تابع الدكتور كلامه " كتير بنات زميلات بالكلية اللي تركوا حالهن لبعد التخرج؛ ما طلع نصيبهم لحدِّ الآن".

هي حقيقة و لكن لا تنفي العكس "بعض البنات في كلية الطب هن سعيدات الآن مع أزواجهن"

المشاركة الأصلية بواسطة rose

عندي تمام اليقين بأن كل فتاة قد خُلقت من ضلع رجل و أن هذا الرجل هو الذي سوف يتزوجها إذا شاء الله عاجلاً أم آجلاً .أما إن سألتموني عن النساء غير المتزوجات ؛ أقول لكم أنه من المحتمل أن يكون ذلك الرجل الذي قد خلقت من ضلعه قد توفي و هو طفلا.

طيب اللي بيتجوز أربعة بيكون نسوانو خلقو من اربعة أضلاع بظن هالمعلومة غلط أو فسرت خطأ

المشاركة الأصلية بواسطة rose

رح أحكيلكم شغلة : مرة طالبة من هالطالبات الطب كانت مع أمها بالسرفيس , و بتعرفوا النسوان الحلبية إذا شافوا بنت حلوة فوراً بيسألوها إذا كانت مخطوبة ؟! أمها جاوبتها : " لأ. بس هيّ عم تدرس ..." قالت لها المرأة الحلبية : "معلش و إذا كان , بتكمل دراستها عنا , إش هالشغلة!!..." قالت لها أمها : "هيّ عم تدرس طب ....."
قلت لها :"لأ ,يي يا خيتو إذا عم تدرس طب خليها عم تدرس طب ....".

خيتو هي نظرة عامة و سائدة بين المتعلمين اللي ممكن تتشردقي عليهن مو بس غير المثقفين"آسف على الخلط بين الثقافة و التعليم لانعدام الثقافة لدينا " بس صدقيني مو الحق عليهون لوحدهون

الشاب رح يمضي 6 سنين بالجامعة + 4 سنين على الأقل اختصاص + سنتين عسكرية = 12 سنة على الأقل.

مين قللك هاد مشوار الشب غلطانة يا ستي ماحدا بيساوي هيك و بيفكر بالزواج و أو حتى بيناقش فيو اللي بيفكر بالزوج بيكون تقريباً 50-70% من متطلباته مؤمنة قبل ما يدخل عالجامعة و بعدين بيكمل الباقي من عنده أما العسكرية فربي يسر

أقصد إذا كان الشاب قد تخرج من الجامعة و عمره 24 سنة , قولوا لي هذا الشاب متى سيؤمن تكاليف الزواج و المهر والمنزل و العيادة و تجهيزاتها؟؟؟؟(آسفة إذا كنت كبرت الوهم عليكم) أما بالنسبة للفتاة فهذه الأشياء غير مسؤولة عنها , ما عليها غير تدرس و بس ,و العيادة لوحدها شغلتها بسيطة (بتدبّر) فليش بيقولوا مشوارها طويل على البنت ؟التفتوا حواليكم و طلعوا على بنات من كلية تانية , على أساس أربع سنوات و بتخلص و بعدين بتشحط معها ست سنين أو أكتر و ما بتشعر بسبب التهاون الذي يؤدي إلى حمل المواد ....!!

علوا موادها بتمشي شلون ماكان بس مواد الطب ما بتمشي شلون ماكان البنت من غير كلية بتجيب ولاد و هيي بكليتها طالبة الطب ما بظن !!!!


المهم
مستر سام غاليت شوي بس معلش لكل وقت حكمه
و كمان ما بنكر في ظلم عميقع من مجتمعنا
الموضوع متعدد الأسباب و مو الشب أو البنت هنن الأسباب بل و لربما يكونو نتائج أو بتعبير أدق ضحايا

مارح قول رأيي بالقصة لأنو وقت حكيت ماحدا فهمني و مو بس هيك وهاجموني كمان و ظنوا إنو عمحاول الاساءة لطالبة الطب مع إنو وحدة من أقرب قريباتي إلي رح تدخل طب هالسنة أوفكروا إنو حكيي ردة فعل لشي معين أو ما بعرف سمعنا حكي ليوم الحكي و الموضوع موضوع أخلاق و بس
ليش ؟مو لأنو البنت بنص عقل بالعكس في كتير بنات بيتقلوا بالدهب
بس لأنو بعض النفوس .......... يلا بلاها
أختي روز تاكدي تماماً طالما انت مؤمنة بالله رح تلاقي السعادة مع شخص بيريدك لأنو أنت و بس انت مو لكونك طالبة طب أو جامعية أو لأ هلأمور مهمة بس ثانوية عندما يتولد الاقتناع
لا تحطي معايير طالبة طب و لا لأ جامعية و لا لأ الموضوع أكبر من هيك بكتير و متشعب أكتر من هيك بكتير
بس حطي أملك بالله انو الله يمنحك السعادة بالدنيا و الأخرة و خلص و لا تهتمي
و مارح يتغير كتير من الأفكار بالنقاش و التغير رح يكون دون الطموح اللي انت مفكرة فيو

تمنياتي الك بالسعادة الدائمة
أخوك
حازم

المشاركة الأصلية بواسطة rose

كل فتاة قد خُلقت من ضلع رجل و أن هذا الرجل هو الذي سوف يتزوجها إذا شاء الله عاجلاً أم آجلاً .أما إن سألتموني عن النساء غير المتزوجات ؛ أقول لكم أنه من المحتمل أن يكون ذلك الرجل الذي قد خلقت من ضلعه قد توفي و هو طفلا.

طيب واللي بتتجوز و بتطلأ و بترد بتتجوز هي شو ?
... مخلوئة من ضلع رجل و مطعمة بطعم خارجي ... و لا طفرة !
او يمكن ال DNA عندها نصو من هالرجل و نصو من التاني ... بس بهالحالة بركي رجعت اطلئت و ردت تجوزت ?
طبعا مو الئصد الاساءة بس بستغرب انو في ناس مثقفة و متعلمة و فهمانة لسا بتحكي بهالمنطئ المتخلف

المشاركة الأصلية بواسطة rose

الشاب رح يمضي 6 سنين بالجامعة + 4 سنين على الأقل اختصاص + سنتين عسكرية = 12 سنة على الأقل.

و البنت نفس الشي بس بدون عسكرية ... طبعا بدك ما تنسي انو اغلب الشباب بيتجوزو بعد 25 بينما البنات فئبل ال 22 ... و بعد ال 24 بتصير كبيرة

المشاركة الأصلية بواسطة rose

أقصد إذا كان الشاب قد تخرج من الجامعة و عمره 24 سنة , قولوا لي هذا الشاب متى سيؤمن تكاليف الزواج و المهر والمنزل و العيادة و تجهيزاتها؟؟؟؟(آسفة إذا كنت كبرت الوهم عليكم) أما بالنسبة للفتاة فهذه الأشياء غير مسؤولة عنها , ما عليها غير تدرس و بس ,و العيادة لوحدها شغلتها بسيطة (بتدبّر) فليش بيقولوا مشوارها طويل على البنت ؟

ايه ئليلي الواحد بدو يجوز ماري انطوانيت .... شو مشان التعاون بين الرجل و المرأة و شو مشان يبنو حياتون سوا ?

المشاركة الأصلية بواسطة rose

التفتوا حواليكم و طلعوا على بنات من كلية تانية , على أساس أربع سنوات و بتخلص و بعدين بتشحط معها ست سنين أو أكتر و ما بتشعر بسبب التهاون الذي يؤدي إلى حمل المواد ....!!

انا بشك بدقة هالحكي ... معظم البنات بخلصو دراستون دون تاخير و بدك ما تقارني اعداد اللي عم يتاخرو بدراستون بغير كليات مع الطب لانو في فرء هائل بالاعداد و كمان بمستوى القدرة على البصم

المشاركة الأصلية بواسطة rose

اختصاراً, أريد أن أطرح عليكم كم سؤال :
صحيح البنت الدكتورة بيحترموها الناس لكن تبقى غير مرغوب فيها كزوجة مثل الشاب الدكتور

السبب انو البنت بعد ما تدخل عمخبر التشريح و تلعب مع الجثث بعدين تتسلى بالضغادع بمخبر الفيزيولوجيا ... و بالاخير تفحص المرضى بالعيادة البولية مشان تشخص دوالي الحبل المنوي مو متل البنت اللي ئضت عمرا عم تلعب بالدبدوب و باربي

المشاركة الأصلية بواسطة rose

و على قولتن بتضل البنت بنص عقل و الدكتور بيفهم أكتر من الدكتورة

نحن مائلنا شي .... يستر عالكلاوي ... والله اذا بيسمعو بنات دفعتنا هالحكي بيفرمونا فرم

المشاركة الأصلية بواسطة rose

ليش طالب الطب ممكن أنو يفكر بطالبة درست للبكالوريا فقط أو يمكن حتى ما تكون أخدت البكالوريا: بس العكس مو صحيح ،يعني بالنسبة لطالبة الطب كتير قليل منهم بيفكروا أو يقبلوا بشخص أخد البكالوريا بس , إلا إذا كانت حالته المادية كتير منيحة ؟؟؟؟

لانو بمنتهى الصراحة ... الشب بيهمو بالبنت شكلا اولا و ثانيا و عاشرا
اما البنت فبهما شغلات تانية بالاضافة للشكل .. متل هاد بخيل و هاد امو ئادرة و هاد فئير و هاد طنط و هاد شايف حالو و غيرو و غيراتو

اما السبب الرئيسي فانتو ... اي نعم انتو
قارني بين طالبة طب طبيعية و طالبة اقتصاد او آداب و لحالك بتعرفي شو ئصدي

السلام عليكم

بالنسبة لي شخصيا لا امانع بالارتباط بطبيبه ولا اعتبره مشكلة لدي

طبعا البنت لما تختار الطب يجب ان يكون لديها شجاعة عظيمة حيث انها تقبل بالمشوار الطويل للطب الذي يخاف منه الكثير من الشباب!! وهذا ممكن يكون سبب في صعوبة زواجها حيث انها لتتخرج وتتخصص (ما اظن في طالب او طالبة ما بيحب يتخصص) تكون اصبحت كبيرة (نسبيا) ولما يجي الشب يخطب يدور على وحدة صغيره !! يعني مثلا 20 او اقل
هي مشكلة
المشكلة التانية هي ما يحدث من فروق بالمستوى الفكري والتعليمي حيث مثلا لو جاء رجل دارس مثلا حقوق (مع احترامي لجميع المحامين) ما اظن انه يقبل ياخد وحده اعلى منه بالشهادة ويحسها صعبه عليه و(مو حلوة بحقه) وكمان يمكن البنت ماتتنازل مثلا وتقبله !!
طبعا انا غير موافق على عقلية التفكير هذه لكن هذا ما يحصل للاسف

وبالاخير كله مقدر من عند الله وما في داعي اي بنت او شب يخاف على نصيبه فنصيبك المقدر لك راح تاخديه نفسه لو درستي طب او درستي بكلوريا بس

تحياتي

أنا برأيي انو الإنسان وقت بدو يشوف بنت يحبا و يريد يتزوجا فما رح يفكر اينا ستاج ساويت و الخ من هل الأسئلة ... لانو أكيد في أسئلة أهم بكتير ...
البنت من كلية الطب متلا متل غيرها اللي بميزها هوة اخلاقها في البداية و قبل كل شيء و بعدين دراستا , يعني بنت من اي كلية بأخلاق عالية أفضل بكتير من بنت من كلية الطب بأخلاق متدنية ... واكيد الانسان اللي بدو ما يفكر ببنت لانو دكتورة يعني تكون أفضل منو دراسيا فبكون عندو عقدة نقص .. ووجود فكرة انو الدكتور او الدكتورة افضل من غيرون فكرة خاطئة في مجتمعنا ... ووجود الاخطاء في مجتمعنا لا يعني انه متخلف لان كل مجتمع لديه من الاخطاء الكثير و هذا حديث اخر ...
أن تتزوج من طبيبة هذا شيء رائع ولكن أنا برأيي ان لا يكون اساس الاختيار هو الطبيبة و إنما أخلاق الفتاة و دينها أولا و شخصيتها و بيئتها و دراستها ثانيا ... و لكل شخص اسس في ذلك .

المشاركة الأصلية بواسطة The Man

أنا برأيي انو الإنسان وقت بدو يشوف بنت يحبا و يريد يتزوجا فما رح يفكر اينا ستاج ساويت و الخ من هل الأسئلة ... لانو أكيد في أسئلة أهم بكتير ...
البنت من كلية الطب متلا متل غيرها اللي بميزها هوة اخلاقها في البداية و قبل كل شيء و بعدين دراستا , يعني بنت من اي كلية بأخلاق عالية أفضل بكتير من بنت من كلية الطب بأخلاق متدنية ... واكيد الانسان اللي بدو ما يفكر ببنت لانو دكتورة يعني تكون أفضل منو دراسيا فبكون عندو عقدة نقص .. ووجود فكرة انو الدكتور او الدكتورة افضل من غيرون فكرة خاطئة في مجتمعنا ... ووجود الاخطاء في مجتمعنا لا يعني انه متخلف لان كل مجتمع لديه من الاخطاء الكثير و هذا حديث اخر ...
أن تتزوج من طبيبة هذا شيء رائع ولكن أنا برأيي ان لا يكون اساس الاختيار هو الطبيبة و إنما أخلاق الفتاة و دينها أولا و شخصيتها و بيئتها و دراستها ثانيا ... و لكل شخص اسس في ذلك .

ياعيني عليك ، هاد حكي بينسمع ، مو متل بعض الجاهلين اللي بيناقشو بهالموضوع ... حكيك كتير حلو ...
يعني الشب لما بيدرس طب مابيتعقد بس انو البنت بتتعقد ؟؟ مابعرف ،يمكن هي النظرة الازدواجية في المجتمع لا غنى عنها في كل المواضع ، بس الغريب انو بتلاقي ناس في مستوى عالي من الثقافة في كلية المفروض يكون طلابها على مستوى عالي من الوعي متل كلية الطب بيحكو حكي خارج عن إطار المنطق ...

بس بدي أخالفك بنقطة يا أخ Evereve و بحب أقلك إنو الشب ما بيهمو بالبنت بس شكلا وإلا بيكون هالشب كتير سطحي وأنا بالنسبة إلي ما بعطي للشكل إلا 40% مقارنة مع اعتبارات تانية