بسم الله الرحمن الرحيم.الحمد لله والصلاة والسلام على أشرف المرسلين وعلى آله الطاهرين الطيبين.
أنا أختكم في الله فدوى .هذه أول مشاركة لي .أرجو أن تتقبلوني بصدر رحب بينكم .ولا أشك في ذلك.
أنا أدرس بالباكالوريا ،وفي الحقيقة أنا مترددة في اختياري لمهنة الطب .بيقولولي ان ها المهنة صعبة .وكل اللي من حولي بيقولولي صيري أستاذة أفضل لك كامرأة يعني فيها راحة أكثر .بس أنا عارفة اني امرأة وراح يكون عندي واجبات بالمستقبل لكن بدي أدرس طب . أرجوكم حد بيدرس في السنة أولى يريحني ويشرحلي كيف المقرر والوضع ويطمني عشان انا خايفة كثير من الرسوب .أنا عمري ما رسبت وأنا خايفة أخوض تجربة فاشلة.أرجوكم انصحوني وأرشدوني .و بدي اعرف ألف باء تعلم الطب حتى أبدأ .يعني الأمور الأساسية اللي لازم أتعلمها .وبدي تشجيعات كثييييييييييييير أرجوكم.
وشكرا

اقرأي هذا الموضوع من فضلك .. قبل أن تتّخذ قرار دراسة الطّبّ البشري!

لا يوجد فرق حقيقةً بين أن تكوني امرأة أو رجل في مهنة الطب .. المهم أن تحبي مهنتك وتكوني مستعدة لكي تعطيها وتضحي من أجلها ..

استشيري أهلك وأصدقائك .. والأهم هو أن تنهي الباكالوريا بأفضل مجموع ممكن .. وبعد ذلك فكري جدياً بالطب أو بغيره ..

بالتوفيق

لا بد لمن أراد أن يدرس الطب ان يكون حب لها و جلد و صبر على الدراسة

ولا بد أن يكون عنده على الأقل مستوى جيد في الدراسة


مهنة الطبيبة في إختصاص النساء جيدة و ضرورية

عزيزتي .. إذا كان قلقك بشأن مسؤلياتك المستقبلية والتي تخشين أن يتسبب عملك كطبيبة في التأثير عليها او التقصير فيها

فأود أن أشير إلى أن مشاغلك كطبيبة قد تنتهي في المستشفى
أما المعلمة فهي تاخذ مشاغلها معها إلى البيت ما بين تصحيح كراسات الواجبات اليومية - التحضير لدروس الغد - كتابة التقارير والاختبارات - إعداد وسائل العرض وأدوات التعليم

أنا أنصحك أن تكوني طبيبة ولا تقلقي
فكثير هن السيدات اللاتي نجحن في عملهن كطبيبات ونحجن في نفس الوقت في مسؤلياتهن كأمهات
وطبعا هناك مجالات في الطب لا تطلب الحضور الليلي
مثلا الأنف والأذن والحنجرة
العيون
أمراض الروماتيزم كتخصص في الباطنة


أتمنى لك كل التوفيق أيما يكون قرارك

أنا رح خبرك بكلام بتخيل أنه بيريحك أنا طالبة من جامعة دمشق وبأول فترة دخلت فيها الكلية راودني شعور ندم وطبعااختلطت المشاعر بين احساسي باني اخطات باختياري للطب وبين احساسي بالضياع بالجو الجديد وبقيت هيك لبداية الفصل التاني ووقتها تعرفت ع رفقات بيطيرو العقل حبيتن وعلاقتي فيهن لغت عندي خليط المشاعر اللي كنت حاسستها وتأكدت انه المشكلة ما كانت بالطب وانما بالجو الجديد
أما النقطة التانية فهيي اني بعر ف كتير بنات درسو طب وتزوجوا بالسنة التانية ومع هيك معدلاتن كانت ممتازة وبدون مبالغة ومااثر عليهن الطب أو غيره
وبالنهاية رح قلك اذا انت بتحبي هاد الفرع وحاسة انك بتميلي لدراسة المواد العلمية فماتترددي انك تصلي صلاة الاستخارة والله يوفقك للي فيه الخير

انا بأيد شنكول بكل حرف..والبقية ما تركوا شي الواحد ممكن يحكيه..وبتمنالك التوفيق ولا يهمك ما في صعب لما بدك ياه و بتحبيه طب او غيرو ...و اذا مابدك تدرسي طب انا بشوف انو الصيدلة ارحم بكتير من التدريس ...................

بنصحك بدراسة الطب بدون أي تردد..لأنو "بيعقد"..