السلام عليكم
باعتبار بدأنا عام جديد
وباعتبار المفروض كلنا هون طلاب في يوم من الأيام وقت كنا بكالوريامتفوقين أو مجتهدين على الأقل
حابة أطلب من الشباب والصبايا ((بجملتين فقط))وبعيدا" عن الكلام التقليدي
أن يوجهوا الى طلاب البكالوريا المقبلين على هذا العام كم نصيحة مميزة تعتبر خلاصة جهد وتعب منكم
تقدم لهم دعم أو فائدة أو دفعة الى الأمام
وجزاكم الله خيرا" سلفا"

والله إذا حكيتلكن إش سويت بالبكالوريا مارح تصدقوني
كنت كل يومين تلاتة ألعب طابة وماروحت ولا مسلسل برمضان وبرات رمضان
بس بالمقابل كنت دائما ماشي بالمنهاج مظبوط وكل يوم قبل النوم وأنا بالسرير بفكر بتمارين المثلثات اللي كانت معصلجة علي لدرجة إنو مرة إجاني الحل بالمنام
وكمان ماوقعت مسألة رياضيات أو فيزيا أو كيميا إلا حليتا لدرجة إنو حسبت المسائل اللي حليتها طلعو مع مسائل الفحص 487 مسألة لذلك وصلت عالفحص مرتاح وأنا بكالوريتي كانت بال2002 يعني كأس العالم كان على قدم وساق
وطبعا حضرتي ما خليت ولا مباراة تروح من إيدي ويوم فحص الرياضيات رغم استحالة الأسئلة وليس صعوبتها
طلعت من الفحص قبل بنص ساعة لألحق مباراة إنكلترا والأرجنتين
بس ما حدا يعمل هيك ...

يعني فرحان محمد و عمتفخر بحالك
عرفناك عبقري و ماحدا قدك
بس رجاء ماحدا يسمعلو هالحكي بينطبق عليه فقط إذا انطبق

اللي بعرفو انو تنظيم الوقت مهم ، إذا في دورات فإهمال المدرسة مهم "مافي مانع شوي تحضروا بأوقات الفراغ

هاد اللي عندي هلأ
تحياتي
حازم

ايه أنتو بيركين عم تحكو
وطلاب البكلوريا بيركين عم ياكلوا هوا
الله يعينون ويعينا
بس عن جد البكلوريا صعبة

لك على راسي يا baby face ميت طلب متل هالطلب
أول شي انا جمعت 232 من أول سنة كنت مسجلة دورات لكل المواد وأهم شي نصن بالبيت ونصن بره
تاني شي ما كنت أنام أقل من 8 ساعات وما أدرس أكتر من 8 او 9 و وقت بمل بترك الدراسة و انشاالله عمرها!
تالت شي أنا شاطرة من الاصل
رابعا واخيرا أهم شي كان عندي الاكل لانو اذا جعت مابعرف أدرس بس هلأ بعد ما دخلنا الكلية العظمية ما بقا يهمني الأكل ؟لأنو ما عدت أدرس متل الخلق