الملتقى الطبي السوري: طلب الادويه الشائعه لهذه الامراض - الملتقى الطبي السوري

Jump to content

الدورات الطبية على الانترنت من Sams خريف 2010
الصفحة 1 من 1
  • You cannot start a new topic
  • You cannot reply to this topic

طلب الادويه الشائعه لهذه الامراض Rate Topic: -----

#1 User is offline   yemen 

  • Member
  • PipPip
  • Group: Members
  • Posts: 21
  • Joined: 25-December 07

Posted 20 August 2009 - 10:35 PM

اريد الادويه الشائعه لهذه الامراض
ولكم جزيل الشكر
ضغط الدم
الاسهالات
الطرش (القيئ)
الديدان
القرحه
الحصوات
الزكام
سوء الهضم
الملاريا
الفتق
البواسير
الصداع + الحمه
الم البطن
الم الظهر
الم المفاصل
النزيف المهبلي + نزيف الانف
التسمم الغذائي
سم العقرب
سم الثعابين
سم الرصاص
الانتفاخات
الغيبوبه
الصرع
الاعصاب
المعده
الم الصدر
الدوخه
التهابات الجلديه
التهابات الانفيه
التهابات الاذن
التهابات العين
الكحه
الصنافير
حب الشباب
السكري
الحروق
الالم الاسنان
نزلات البرد
الحموضه
الاملاح
البلهارسيا
التهابات الزائده
عضه الكلاب
المسكنات بكفه انواعها
الغثيان
للتبول الارادي عند الاطفال
علاج ضد جرثومه الرحم
علاج للدور الشهريه
التهابات للوزتين
الاورام
فاتح لشهيه
منشط عام
منشط جنسيا
للفقر الدم



ملاحظه / لا يهم الجنس او العمر


0

#2 User is offline   Muhammad Alsayid 

  • University of Miami at FAU - Florida
  • PipPipPip
  • مشاهدة المدونة
  • Group: Members
  • Posts: 2037
  • Joined: 22-February 05

Posted 21 August 2009 - 02:23 AM

مشان شو بدك هالأدوية ...........؟؟؟

;)
0

#3 User is offline   غصن زيتون 

  • Member
  • PipPip
  • Group: Members
  • Posts: 19
  • Joined: 28-February 09

Posted 21 August 2009 - 12:36 PM

الكي والحجامة والعسل مع الحبة السودا والبابونج واليانسون وعرف الديك ........
0

#4 User is offline   yemen 

  • Member
  • PipPip
  • Group: Members
  • Posts: 21
  • Joined: 25-December 07

Posted 23 August 2009 - 12:46 AM

شو هذا نشاط عم يبيه الدكتور انا مابدي روح لصيدليه واسئله عن كل مرض
حطيت سؤالي هووون علشان انتو فاهمين



وانا برضو بحب للهجه السوري بكثير ويعلم الله اني مجنون فيكم
0

#5 User is offline   غصن زيتون 

  • Member
  • PipPip
  • Group: Members
  • Posts: 19
  • Joined: 28-February 09

Posted 23 August 2009 - 01:28 PM

عذرا الصيدلي يفيدك اكثر في حالتك تلك لماذا ؟ تعرف السؤال بعد التخرج ان شاء الله ، الله يوفقك
0

#6 User is offline   yemen 

  • Member
  • PipPip
  • Group: Members
  • Posts: 21
  • Joined: 25-December 07

Posted 25 August 2009 - 02:55 AM

ياغصن الزيتون هذا نشااااااط فقط انا مو مريض او اني بروح عالج انا تخصصي مختبرات لكن الدكتور هو طلب

وقال لازم تعطوني اسماء الادويه الشعائه لهذه الامراض



انا سئلت هون
وهناك زملاء اشترو كتاب الوجيز في علم الصيدله ( تقريبا هذا اسمه )
ونقولو منه انا قلت بطور نفسي
وخلي النشاط فووووووق يعني اخلي الدكتور - يرتاح - اكثر *** حطيت موضوعي هنا لانكم فاهمين ولديكم خبره


انتو بتفيدوني

مالم اقنعوني انكم عاجزن عن افادتي من اجل اذهب الى الصيدليه


شكرا
0

#7 User is offline   الألباني 

  • Member
  • PipPip
  • Group: Members
  • Posts: 14
  • Joined: 16-August 07

Posted 13 March 2010 - 01:23 AM

:rolleyes::cool::(

الله يسامحك شو عاجزين مو عاجزين

بس أنا خوفان تبلش تكتب ادوية للمرضى من هلأ :(

هي أغرب وظيفة بشوفها بحياتي

عمنمزح معك اشبك اخده بجد ونحن كمان منحبكون

مع اني شاكك انك بدك تفتح صيدلية او عيادة من الأن قبل التخرج :sad64:
0

#8 User is offline   soledad 

  • soledad
  • PipPipPip
  • Group: Members
  • Posts: 50
  • Joined: 02-August 06

Posted 20 March 2010 - 05:00 AM

رح حاول ساعدك قدر الامكان..
خافضات الضغط ما في دواء شائع الها.. يعني مثلا منعطي المدرات كخيار اول للمسنين
واذا المريض عندو نقرس بتصير المدرات مضاد استطباب..مثبطات محولة الانجيوتنسين او ACE Is هي خيار جيد و عندك كمان حاصرات مستقبلات الانجيوتنسين ARBs مفضلة احيانا على ACE I s على اعتبار انها ما بتسبب السعال "بعكس ACE Is "
حاصرات بيتا هي الخيار الأمثل في حال وجود امراض قلبية..و الدواء الوحيد اللي بينعطى كخافض ضغط للحوامل هو ميتيل دوبا..و اظن كمان اتينولول يعطى للحوامل

للاسهالات ...العلاج الشائع هو لوبيراميد loperamide

مضادات الاقياء ... metoclopramide هو الاكثر شيوعا

القرحة... مثبطات مضخة البروتون هي الأحدث و الأفضل مثل lansoprazole , pantoprazole

الصداع ...فيك تعطي باراسيتامول او اسبرين..

ارتفاع الحرارة...باراسيتامول ، ايبوبرفين او ديكلوفيناك.....الخ

ألم البطن.. ولو انه سؤال عام "و كل الاسئلة عامة تقريبا! " ..اذا الألم بالمعدة ممكن تعطيه ليبراكس"نسيت الاسم العلمي بس بس بتذكر انو فيو ديازيبوكسيد شغلة و مادة تانية...بلكي الزملاء الاطباء بيساعدونا:o"
و اذا الألم بالكولون فممكن تعطيه مضاد تشنج متل mebeverine أو hyoscine

ألم المفاصل..العلاج هو مضادات الالتهاب غير الستيروئيدية متل ايبوبروفين او بيروكسيكام أو او اندوميتاسين و هو الأقوى و الاكثر اعرضا جانبية..طبعا الاستعمال المطول لهالادوية ممكن يسبب قرحة و نزوف هضمية ..و ممكن في حال كان المريض مصاب بالقرحة او مثلا معدته حساسة شوي او ما تحمل هالادوية تعطيه مضادات الالتهاب اللاستيروئيدية الانتقائية ل cox2 مثل سيليكوكسيب لانو اعراضها الجانبية قليلة و لا تؤثر على المعدة

السكري!! هادا لحالو بدو جريدة..ما في ادوية شائعة لهيك امراض لانو الاشخاص بيختلفو عن بعض بالاستجابة للدواء و السن و كتير عوامل...مثلا اذا مريض السكري type 1 العلاج هو الانسولين حصرا


و اذا من النمط التاني فالخيارات تختلف
الميتفورمين هو الافضل في حال البدانة مع العلم انه منظم لسكر الدم و ليس خافض له
و اذا السكري ما انضبط عنده ممكن المشاركة مع السلفونيل يوريا
تيازوليدين ديون..هي الجموعة الوحيدة التي تزيد حساسية النسج للانسولين
و الانسولين هو الخيار الاخير في حال عدم الاستجابة
طبعا الانسولين كمان على عدة انواع...سريع التأثير (قصير المدى)و بطئ (مديد)و متوسط التأثير اللي هو مزيج من النوعين السابقين.. السريع يعطى في الحالات الاسعافية
و المتوسط هو الافضل للاستعمال اليومي في حالة السكري غير المنضبط و العالي "سرعة في التأثير و تأثير مديد"


الصنافير؟!! مالي سمعانة فيها بعمري...السنافر ما بيمشي الحال..ههههه


التبول اللا ارادي عند الاطفال او السلس الليلي... بعرف انو يعطى عادة ايميبرامين و هو من مضادات الاكتئاب ثلاثية الحلقةTCAs

علاج الدورة الشهرية!!!...ما فهمت شو قصدك اذا بتقصد آلام الطمث فممكن تعطي ايبوبروفين او مضادات التشنج بيمشي الحال

نزلات البرد او الانفلونزا...بتعالج الاعراض لا اكثر لانه السبب فيروس يعني مضادات الالتهاب او بالاحرى مضادات الجراثيم ما إلها فائدة...يعني بتعطي ببساطة مسكن الم و خافض حرارة

لعلاج حموضة المعدة .. هيدروكسيد المغنزيوم و الالمينيوم هي الاكثر شيوعا

لعلاج حب الشباب ...كمان الكلام عن علاجه يطول و يطول ... بس التتراسكلينات هي الافضل نسبيا

الصرع... على ما اتذكر كنا منعطي فالبرويك اسيد أو فينيتوئين

بالنسبة للسموم ...ما بقدر جاوبك لانه لكل سم في ترياق معين و ما عندي كتير معلومات عن الموضوع... بس في حال التسمم بالرصاص الحليب هو الترياق ...لانه بيشكل مع الرصاص معقدات غير ممتصة

بالنسبة للالتهابات...مالك سئلة ابدا أو بالاحرى هالدكتور يلّي عطى هالوظيفة...يعني على حسب الجرثوم منعطي مضاد الالتهاب ...كمان ما بقدر جاوبك بهالحالة:rolleyes:

الحروق...بانتينول جيد في هذه الحالة لانه بيرمم الجلد

كمان الاورام !!...يا اخي الاورام 100 نوع و الدواء يعطى على اساس الورم

من أنواع مضادات السرطان عندك العوامل المؤلكلة متل الخردل الآزوتي و مشتقاته..و مضادات الاستقلاب متل الميتوتريكسات "اظن بأنه الاكثر شيوعا"...و المضادات الحيوية متل الاكتينومايسين..و ايضا مركبات البلاتين مثل السيس بلاتين

الاعصاب!!...ما في مرض هيك اسمو ..واذا قصدك مقوي اعصاب ... مزيج من فيتامينات B جيد في هذه الحالة

منشط عام...الفيتامينات

منشط جنسي... سيلدينافيل

فقر الدم...الحديد او حديد مع حمض الفوليك


هدول يلي عرفتن...و عكل انا كتبت عن علاج هالامراض باختصار شديد و اذا أخطأت بأي معلومة بتمنى تصحّحولي

و لكم جزيل شكري
0

#9 User is offline   yemen 

  • Member
  • PipPip
  • Group: Members
  • Posts: 21
  • Joined: 25-December 07

Posted 07 April 2010 - 10:54 PM

شكرا يا soledad ولو كان الرد مني متأخر العفو
:rolleyes:
0

Share this topic:


الصفحة 1 من 1
  • You cannot start a new topic
  • You cannot reply to this topic